Athina në dëborë

Athinë, 11 janar 2017 (MIA) - Në pjesën më të madhe të Greqisë sot janë regjistruar shumë temperatura të ulëta dhe reshje të rrëmbyeshme të borës, të cilat gjatë këtyre ditëve pritet të kalojnë në shi për shkak të ndikimeve të motit të cilat vijnë nga perëndimi.
Në Athinë disa linja të autobusëve nuk punojnë për shkak të borës ndërsa disa rrugë në pjesët veriore të qytetit do të mbyllen.
Siç njofton korrespondenti i MIA-s nga Athina, shkollat dhe kopshtet në kryeqytetin grek sot për shkak të akullit janë të mbyllura, kumtuan mbrëmë autoritetet lokale. Ata, gjithashtu ju bënë thirrje athinasve që ta kufizojnë lëvizjen që të shmangen fatkeqësi dhe ngujim në borë.
"Komuna është e gatshme t'i mbrojë të pastrehët ndërsa ekipet tona hedhin kripë nëpër rrugë që të sigurohet qasje në spitale", shtohet në kumtesë.