Operacion masovik "Gracka e ujkut 2" zbatohet në StambollStamboll, 23 mars 2017 (MIA) - Të gjitha hyrjet drejt Stambollit përmes tokës, ajrit dhe ujit janë bllokuar në kuadër të operacionit me emrin e koduar "Gracka e ujkut-2", në të cilin marrin pjesë dy mijë policë, publikoi televizioni privat turk Si-En-En Turk. Operacioni nën emrin e koduar "Gracka e ujkut" u krye më 15 mars në pjesën aziatike të qytetit. Aksioni i sotëm i policisë në Stamboll do të jetë vazhdim i aksionit paraprak dhe në të janë përfshirë pjesëtarët e të gjithë reparteve policore. Aktivitetet e policisë kësaj radhe janë fokusuar në bregun evropian dhe do të zbatohet në periudhë midis orës 12 dhe 15. Në operacion janë përfshirë helikopterë dhe gliserë të policisë. Nuk është kumtuar qëllimi i operacionit.
|