Një person e ka humbur jetën gjatë një zjarri pyjor në Peloponez Athinë, 15 maj 2017 (MIA) - Një person e humbi jetën, ndërsa dy të tjerë janë lënduar mbrëmë në një zjarr që e përfshiu një pjesë malore në afërsi të qytetit Koring në ishullin grek Peloponez, 65 kilometra në perëndim të Athinës. Siç kumtoi shërbimi zjarrfikës lokal, zjarri pyjor në rajonin e vendit Agios Teodori është lokalizuar me sukses gjatë orëve të natës. Zjarrfikësit në një hendek kanë gjetur një trup të karbonizuar. Supozohet se trupi i përket një gruaje në moshë, e cila dje në orët e pasdites është paraqitur si e zhdukur. Stihia e zjarri ka shkatërruar edhe të paktën dy shtëpi, me ç'rast plagë djegieje kanë marrë dy persona të moshuar Shuarjen e zjarrit e ka vështirësuar era e fuqishme.
|