Merkel: Stabiliteti politik i Ballkanit do të thotë edhe stabilitet i jonë

Trieste, 12 korrik 2017 (MIA) - Kancelarja gjermane Angela Merkel sot në Samitin për Ballkanin Perëndimor në Trieste deklaroi se detyrë e Bashkimit Evropian është që ta afrojë rajonin "ngadalë, por sigurt" në drejtim të anëtarësimit në BE.
"Stabiliteti politik në rajon do të thotë stabilitet politik edhe për ne. Ne këtë e dimë nga përvoja", theksoi Merkel.
Paraprakisht, kancelari austriak Kristian Ken deklaroi se rajonit duhet t'i kthehet perspektivës së qartë evropiane.
"Ballkani Perëndimor nuk është oborri i pasëm i Evropës, por dhoma jonë e ditës, e përsëriti Kern qëndrimin e tij, duke vlerësuar se Bashkimi Evropian në terren ka humbur, ndërsa në të njëjtën kohë është rritur ndikimi rus, kinez, vehabist, por edhe turk.
Ai theksoi edhe se presidenti i ri amerikan Donald Tramp ka ngritur dinamikë të ri për Ballkanin Perëndimor dhe theksoi se "nuk guxon të lejohet formim i forcave jashtë-evropiane".
"Për Austrinë, Ballkani Perëndimor ende është rajon në të cilin mund ta përfaqësojë ndikimin e saj të jashtëm politik", theksoi Kern.
Ai shtoi edhe se rajoni mund të shërbejë si shembull për veprimin me emigrimin.