Rama-Makron: Një Samit inkurajues për ecurinë europiane të rajonitTrieste, 13 korrik 2017 (MIA) - Kryeministri i Republikës së Shqipërisë, Edi Rama, gjatë Samitit në Trieste ka realizuar një takim edhe me presidentin e Republikës së Francës, Emanuel Makron. Rama, siç njofton ATSH-ja, ka postuar në Facebook një video me disa pamje nga takimi me presidentin francez, teksa shkruan: “Në Trieste me presidentin Emanuel Makron, për Europën që duam, rajonin tonë si pjesë e saj dhe rrugën europiane të Shqipërisë ku po përgatisim një mandat reformash e negociatash me Bashkimin Europian”. Ndërsa një një postim tjetër, Rama thekson se Samiti i Triestes ishte mjaft inkurajues për rajonin dhe Shqipërinë. “Një Samit inkurajues për ecurinë europiane të rajonit dhe po ashtu për Shqipërinë, që këtë herë është e para në listën e projekteve të fituara për financim”, shkruan Rama.
|