Çdo vend i Ballkanit ndryshe distancohet nga BE-ja

Bruksel, 7 shkurt 2018 (MIA) - Komisioni Evropian dje e publikoi një strategji të re lidhur me gatishmërinë e gjashtë shteteve të Ballkanit Perëndimor për anëtarësim në Bashkimin Evropian. Në strategji nuk është edhe shteti i shtatë - Turqia, e cila, gjithashtu, shpreson për pranimin në BE. Nga BE theksojnë se ky shtet u largua nga Evropa pas tentimit për grusht shtet në vitin 2016.
Komisioni Evropian jep raporte të rregullta për progresin e kandidatëve për anëtarësim në BE apo kandidatet potenciale. Vlerësimi i fundit ishte në nëntor, përkujton agjencia e lajmeve DPA, e cila publikoi një raport të vendeve të Ballkanit Perëndimor dhe për atë se deri ku janë në rrugën drejt BE-së secila prej tyre.
Shqipëria: Dorëzoi lutje për anëtarësim në vitin 2009 dhe e fitoi statusin kandidat në vitin 2014. Në nëntor të vitit 2016 KE dha rekomandim se Tirana është e gatshme të fillojë negociata detajuese për bashkim pas fillimit të reformave kryesore gjyqësore, progres në luftën me korrupsionin dhe krimin e organizuar dhe respektimin e të drejtave.
Bosnjë e Hercegovina: Shteti dorëzoi lutje për anëtarësim në vitin 2016, por janë të domosdoshme më shumë reforma të cilat duhet të zgjidhin probleme strukturore të thella të cilat e ngadalësojnë zhvillimin e shtetit, u theksua në vlerësimin e fundit të BE-së. Në mesin e prioriteteve janë përforcimi i gjyqësisë në pajtim me standardet e BE-së. Administrata joefikase, e emëruar në vitin 1995 për t'i dhënë fund luftës, u lejoi liderëve etnik me prirje armiqësore ndaj njëri-tjetrit t'u shmangen reformave të kërkuara me vite.
Kosova: Pesë anëtare të BE-së nuk e njohin pavarësinë e Kosovës me çka anëtarësimi është perspektivë e largët. Kosova dhe BE-ja kanë arritur marrëveshje për lidhje më të afërta pjesërisht si shpërblim për progresin në normalizimin e marrëdhënieve me Serbinë. Kosova duhet ta zgjidh kontestin kufitar me Malin e Zi që qytetarët të fitojnë regjim pa viza me BE-në.
Maqedonia: Shteti dorëzoi lutje për anëtarësim në vitin 2004 dhe e fitoi statusin e kandidates në vitin 2005. Fillimi i negociatave për anëtarësim disa herë u anulua për shkak të kontestit me Greqinë për çështjen e emrit të shtetit. Për momentin janë ripërtërirë angazhimet për dalje nga qorrsokaku.
Mali i Zi: Vendi dorëzoi lutje për anëtarësim në vitin 2008 dhe e fitoi statusin e kandidates në vitin 2010. Shteti konsiderohet si një prej lidereve për anëtarësim në BE nga rajoni. Akoma duhet të arrijë progres në segmentet - qeverisje e së drejtës, luftë kundër korrupsionit dhe krimit të organizuar.
Serbia: Shteti dorëzoi lutje për anëtarësim në vitin 2009, e fitoi statusin e kandidates në vitin 2017 dhe filloi negociata për anëtarësim në vitin 2014. Serbia është duke u shqyrtuar si kandidate për raundin e radhës të zgjerimeve të BE-së, së bashku me Malin e Zi. Beogradi mori lëvdata në vitin 2016 për rolin në ballafaqimin me valën e emigrantëve, e cila lëvizi drejt Evropës. Por, shteti duhet të tregojë vullnet politik për reforma në ekonomi dhe në qeverisjen e së drejtës, kumtoi Komisioni. Serbia duhet, gjithashtu, tërësisht t'i normalizojë marrëdhëniet me Kosovën para se të bëhet anëtare e Bashkimit Evropian.
Turqia: Ankaraja zyrtare dorëzoi lutje për anëtarësim në vitin 1987 dhe filloi negociata për anëtarësim në vitin 2005. Në fillim të vitit 2016 BE i premtoi asaj "ringjalljen" e negociatave në këmbim të ndihmës së Ankarasë për ndalimin e valës së emigrantëve drejt BE-së. Por, marrëdhëniet BE-Turi u përkeqësuan pas tentimit për grusht shtet në korrik të vitit 2016 në Turqi dhe ngjarjet të cilat pasuan, në të cilat pati dëbime nga Armata dhe sektori publik dhe burgosjen e rreth 50.000 personave, në mesin e të cilëve edhe gazetarë. Të dyja palët duhet të bisedojnë në takimin në Varnë më 26 mars.