BE-ja mbështetje të parezervë ndaj Britanisë së Madhe në rastin "Skripal"

Bruksel, 19 mars 2018 (MIA) - Bashkimi Evropian shpreh tronditje nga helmimi i ish agjentit të dyfishtë Sergej Skripal dhe jep mbështetje të pa rezervë Britanisë së Madhe.
Ministrat e punëve të jashtme të BE-së të cilët në këto momente kanë takim në Bruksel përmes kumtesës së përbashkët shprehën solidaritet me Britaninë e Madhe dhe u shprehën se "shumë seriozisht" e kuptojnë vlerësimin e qeverisë britanike se Federata Ruse është përgjegjëse për këtë veprim.
"Bashkimi Evropian është i tronditur nga përdorimi i agjentit nervor ushtarak, i tipit të atyre të cilat i përdor Rusia, në territorin evropian pas më shumë se 70 vitesh", citohet në kumtesë.
BE-ja kujton se përdorimi i armëve kimike paraqet shkelje të konventave ndërkombëtare dhe paraqet "kërcënim për sigurinë e të gjithëve".
BE-ja i bën thirrje Rusisë urgjentisht t'ju përgjigjet pyetjeve të parashtruara nga ana e Britanisë së Madhe dhe menjëherë plotësisht të zbulojë "Noviçok programin" para organizimit për ndalesë të përdorimit të armëve kimike, BE", thuhet në komunikatë.