Gaz lotsjellës në Kuvendin e Kosovës, ndërpritet seanca për demarkacionin

Prishtinë, 21 mars 2018 (MIA) - Në Kuvendin e Kosovës menjëherë sapo nisi seanca për demarkacionin është hedhur gaz lotsjellës dhe si pasojë ajo është ndërprerë sapo ka filluar.
Kryetari i Kuvendit Kadri Veseli propozoi një pushim prej 5 minutave. Deputetët kanë dalë nga seanca e Kuvendit dhe pritet të kthehen pas pushimit të parashikuar.
Sipas mediave kosovare dyshohet se gazi është gjuajtur nga Xhelal Sveçla dhe Fitore Pacolli, të dy deputetë nga Lëvizja Vetëvendosje.
Kuvendi i Kosovës u mblodh dje në një seancë të jashtëzakonshme, në tentativën e katërt për të ratifikuar demarkacionin me Malin e Zi. Ndërsa pas rreth nëntë orë debati parlamentar, ku pothuajse të gjithë deputetët e Kuvendit shprehen mendimet e tyre rreth kësaj teme, ajo u shty për sot.