Mogerini e lavëdroi rolin e Malit të Zi në Ballkan

Podgoricë,19 prill 2018 (MIA) - Përfaqësuesja e lartë e Bashkimit Evropian për politikë të jashtme dhe siguri, Federika Mogerini gjatë vizitës së sotme në Podgoricë e lavdëroi rolin e Malit të Zi në Ballkan.
"Mali i Zi ka rol kyç në rrethimin e shteteve tjera ballkanike në rrugën drejt BE-së. Politika e jashtme e Podgoricës është në pajtueshmëri të plotë me BE-në", theksoi Mogerini.
Ajo shtoi se vendi duhet të punojë në përmirësimin e sundimit të ligjit dhe lirisë së mediave.
Mogerini është përfaqësuesja e parë e lartë zyrtare që u takua me presidentin malazez, Milo Gjukanoviq, pasi që ai fitoi në zgjedhjet presidenciale fundjavën e kaluar.
Përfaqësuesja e lartë e Bashkimit Evropian para vizitës në Mal të Zi, qëndroi në Tiranë dhe në Shkup. Pas vizitës në Podgoricë, Mogerini do ta vizitojë Serbinë.