Erdogan paralajmëroi bojkot të Izraelit pas zgjedhjeve Ankara, 22 maj 2018 (MIA) - Turqia do t'i rishqyrtojë marrëdhëniet ekonomike me Izraelin pas zgjedhjeve më 24 qershor, deklaroi presidenti turk Rexhep Taip Erdogan. Deklarata e Erdoganit vjen pasi Organizata për bashkëpunim islamik (OBI) vendosi të vendosë embargo për prodhimet izraelite. "Shpresoj se vendet e OBI-së do ta zbatojnë vendimin për embargo në praktikë", deklaroi ai. "Ne kuptohet, gjithashtu, do ta vlerësojmë situatën. Turqia do t'i analizojë marrëdhëniet e saj me ata (Izraelin), veçanërisht marrëdhëniet ekonomike dhe tregtare", shtoi Erdogan. Ai saktësoi se hapat në këtë drejtim do të ndërmerren pas zgjedhjeve. Të premten në Stamboll u mbajt takim i jashtëzakonshëm i Organizatës për bashkëpunim islamik, në të cilin Turqia u bëri thirrje vendeve myslimane të bashkohen në mbrojtjen e palestinezëve kundër Izraelit dhe paralajmëroi se vendimi amerikan për njohjen e Jerusalemit për kryeqytet të Izraelit është vetëm njëri prej shumë aksioneve kundër botës islamike.
|