Takim i Haradinaj me papën, Anton Berisha: Ditë e madhe për KosovënPrishtinë, 23 maj 2018 (MIA) - Kryeministri i Kosovës Ramush Haradinaj, së bashku me një pjesë të delegacionit me të cilin po qëndron për vizitë zyrtare në Vatikan, sot është pritur në audiencë private në Selinë e Shenjtë nga papa Frençesku, lajmëroi korrespondenti i MIA-s nga Prishtina. Siç informon portali "Gazeta ekspres", takimi me papën është mbajtur sot paradite, derisa kabineti i kryeministrit do të publikojë fotografi nga ngjarja pas disa orëve. Në takim me kryetarin e Kishës Katolike ka marrë pjesë edhe zëvendësministri i Punëve të Jashtme të Kosovës, Anton Berisha, i cili në bisedë telefonike me portalin ka paralajmëruar se kjo është një "ditë e madhe për Kosovën". Haradinaj dje në Vatikan ishte pritur edhe nga sekretari shtetëror, kardinali Pietro Parolin, nga i cili ka kërkuar që Selia e Shenjtë ta njohë pavarësinë e Kosovës.
|