Pajisjet për energjinë me erë drejt Kosovës, bllokojnë Rrugën e KombitTiranë, 23 maj 2018 (MIA) - Mëngjesin e sotëm është bllokuar aksi rrugor mbi urën e Drinit të Zi, që lidh Rrugën e Kombit, për shkak të transportimit drejt Kosovës të materialeve të prodhimit të energjisë me erë, nga 10 trajlerë me gjatësi 30 metra secili.
Kalimi i tyre në këtë urë ka shkaktuar krijimin e radhëve të gjata të automjeteve, raporton TCH.
Policia Rrugore e Kukësit ndodhet në vendngjarje, në përpjekje për të menaxhuar situatën e rëndë të trafikut.
Kompania që mirëmban Rrugën e Kombit, ndërkohë, për të lehtësuar kalimin e automjeteve ka bërë edhe zbërthimin e mbrojtëseve anësore të urës.
|