Haradinaj: Në dialog në asnjë mënyrë nuk duhet të përfshihet mundësia e korrigjimit të kufijvePrishtinë, 22 shtator 2018 (MIA) - Kërkimfalja nga ana e Serbisë duhet të jetë parakusht për të arritjen e marrëveshjes së pajtimit e cila do të rezultonte me njohjen e Kosovës, ndërsa në dialog në asnjë mënyrë nuk duhet të përfshihet mundësia e korrigjimit të kufijve, rekomandon kryeministri i Kosovës Ramush Haradinaj. Ai në një intervistë për RTV 21 thotë se nuk pranon të marrë pjesë në asnjë proces ku flitet për ndarje. "Qëndrimin e kam të qartë: nuk lejoj, nuk pranoj, nuk e mbështes, nuk marr pjesë në një proces në të cilin preken kufijtë e vendit tim", tha Haradinaj. Kosova, shton kryeministri kosovar, nuk e ka luksin që t’i diskutojë dhe rihapë kufijtë e vet. "Jemi njohur nga më shumë se 100 shtete me këta kufij, jemi anëtarë të institucioneve ndërkombëtare me këta kufij. Hapja e çështjes së kufijve në cilindo variant, është rikthim në para pavarësi dhe është rrezik i madh që bart rreziqe të pamenaxhueshme", shtoi ai. Megjithatë, Haradinaj tha se dialogu me Serbinë duhet të vazhdojë dhe se duhet të arrihet pajtim mes Kosovës e Serbisë.
|