Rezultatet e para jo të plota nga zgjedhjet për Parlamentin e Federatës së BeH-së

Sarajevë, 8 tetor 2018 (MIA) - Sipas rezultateve të para jo të plota të Komisionit qendror zgjedhor për Parlamentin e Federatës së BeH-së, partia më e fuqishme parlamentare në Federatën e BeH--së është Partia për aksion demokratik (SDA) e Bakir Izetbegoviq me 25 për qind të votave të fituara.
Pas saj vijon koalicioni i bashkuar rreth Bashkësisë demokratike kroate të Dragan Çoviq me 18 për qind, pastaj Partia Socialdemokrate me 14 për qind të votave të fituara.
Fronti demokratik, lideri i të cilës Zhelko Komshiq fitoi si kandidat për anëtar kroat të Kryesisë së BeH-së, fitoi tetë për qind të votave në Federatën e BeH-së, ndërsa pas saj është Partia për ardhmëri më të mirë të Fahrudin Radonçiq, me gjashtë për qind.
Lëvizja e sapoformuar për aksion demokratik është në kufi të pragut prej pesë për qind për hyrje në Dhomën përfaqësuese të Parlamentit të Federatës së BeH-së.
Këto rezultate jo të plota janë kumtuar në bazë të 57,11 për qind të votave të përpunuara dhe 91 për qind prej tyre llogariten të pavlefshme.