Moskë, 7 dhjetor 2018 (MIA) – Rusia është e shqetësuar për shkak të përpjekjeve të përforcuara të NATO- s dhe BE-së për “adoptimin” e rajonit të Ballkanit, që çon deri në linja të reja të ndarjes dhe deri te destabilizimi i Evropës, deklaroi ministri rus i Punëve të Jashtme Sergej Lavrov.
“Gjendja në Ballkan shkakton shqetësim”, theksoi Lavrov në intervistën për gazetën greke “Efimerida ton sindakton”, të dhënë në prag të vizitës së sotme të kryeministrit grek Aleksis Cipras në Moskë.
Lavrov pohon se NATO-ja dhe BE-ja kryejnë presion mbi vendet e ballkanit që të bëjnë zgjedhje midis Moskës, nga një anë, dhe Uashingtonit dhe Brukselit, nga ana tjetër, që, sipas tij, është qasje e gabuar.
“Veprimet e tilla çojnë deri te një destabilizim i ardhshëm të arkitekturës së sigurisë në Evropë, deri te rritja e tensioneve dhe deri te paraqitja e linjave të reja të ndarjes”, përfundon Lavrov.