Zagreb, 20 nëntor 2019 (MIA) – Qeveria kroate sot pritet të hapë bisedime me kancelaren gjermane Angela Merkel për arritjen e Folsfagenit në Kroaci, bëri të ditur ministri i Ekonomisë Daro Horvat, informuan mediet kroate.
Edhe pse para tri javëve, shefi i prodhimtarisë së Folsfagenit, Andreas Tostman, deklaroi se nuk kërkojnë lokacion alternativ për fabrikën e tyre të re prej 1,5 miliardë, edhe krahas vonesës në Izmir, Horvat thotë se qeveria ka përgatitur ofertë për investitorin gjerman dhe është i vendosur që ai investim të realizohet në Kroaci.
Horvat deklaroi se Qeveria paraprakisht i kishte pranuar dhe përpunuar të gjitha kërkesat e menaxhmentit të Folksfagenit dhe ka zbuluar tri lokacione potenciale për fabrikën.
“Bisedimet me Merkelin fillojnë … që ta realizojnë investimin e tyre në Kroaci, ndërsa qeveria grumbulloi ofertë për Folsfagenin dhe gjeti tri lokacione ku ka një milion metra katrorë tokë të gatshme dhe të gjitha kushtet e tjera, ndërsa ishin kërkuar 40 parametra, që të realizohet ai investim”, tha Horvat.
Sipas tij, ka tri lokacione për fabrikën: Varazhdin, Ivaniq-Qytet dhe Dugo Sello. fc/