Prishtinë, 29 maj 2020 (MIA) – Shefi i grupit parlamentar të Lidhjes Demokratike të Kosovës (LDK), Arben Gashi deklaroi se vendimi i Gjykatës Kushtetuese me të cilin u shpall kushtetues dekreti i presidentit, Hashim Thaçi për dhënien e mandatit për kryeministër të kandidatit të LDK-së Avdullah Hoti, është i saktë dhe i pritur, njoftoi korrespondenti i MIA-s nga Prishtina.
Në deklaratën e mbrëmshme për televizionit Klan Kosova, Gashi tha se së shpejti do të kërkohet mbajta e një seancë parlamenti për votim për qeverinë e propozuar nga Hoti dhe shprehu besim se kjo procedurë do të përfundojë para të hënës së ardhshme.
“Vendimi u miratua vonë natën e kaluar dhe ne ende nuk jemi konsultuar në parti, por besoj që nesër në mëngjes do ta bëjmë këtë. Procedura është shumë e thjeshtë, duhet vetëm një letër të dërgohet deri te kryetarja e Kuvendit (Vjosa Osmani) nga ana ime si shef i grupit parlamentar, ku do ta përcaktojmë ditën dhe kohën kur do të mbahet seanca. Gjërat tjera kanë mbaruar tashmë, deklaroi mbrëmë Gashi. ls/ab/