Katër të infektuarit në Kosovë me gripin A (N1H1) janë në rrezik për jetëPrishtinë, 9 nëntor (MIA) - Katër persona, nga gjithsej tetë sa janë evidentuar me simptome të gripit A (H1N1), të cilët ndodhen në spitalin në veri të Mitrovicës, janë në rrezik për jetë, tha për mediat serbe drejtori i spitalit dr. Milan Jakovleviq.
Ai bëri të ditur se bëhet fjalë për dy pacientë të cilët gjatë fundjavës janë sjellë nga Graçanica në spitalin e Mitrovicës, si dhe për dy persona të cilët tashmë kanë qenë për mjekim në këtë spital, i cili udhëhiqet nga serbët.
Sipas tij, është rritur numri i personave me simptoma të gripit, të cilët po kërkojnë ndihmën e mjekut.
Gjatë fundjavës 329 pacientë kanë pasur shenja klinike të gripit, ndërsa numri më i madh është evidentuar në Leposaviq, pastaj në Mitrovicë dhe në Zveçan.
|