Furgoni bie në greminë, humbin jetën 6 pasagjerë

Tiranë, 8 shkurt 2014 (MIA) - Gjashte pasagjeret e një furgoni humbën jetën dhe disa të 5 tjerë u lënduan rëndë në një aksident tragjik ne aksin Kukës-Shishtavec.

Siç njoftojnë mediat shqiptare, mjeti i cili udhëtonte nga Shishtaveci në drejtim te qytetit te Kukësit u rrëzua në greminë, në pjesën e papërfunduar te rrugës, pranë fshatit Pojan tek ura e Topojanit.

Viktima, të gjithë banorë te zonës, janë Fehim Biba, Zykri Shehu, Zaim Karanxha, Bashkim Çuni, Xhahire Çuni dhe Linda Çuni që dyshohet se ishte shtatzëne. Tre viktimat me mbiemër Çuni i përkasin së njëjtës familje, shoferi bashkë me dy kunatat e tij. Pesë të plagosur janë dërguar në spitalin Ushtarak të Tiranës dhe tre prej tyre ndodhen në gjendje të rëndë.