Protesta në Stamboll dhe Ankara kundër dënimeve me vdekje për anëtarët e Vëllazërisë Myslimane në EgjiptStamboll/Ankara, 11 prill 2014 (MIA) - Në Stamboll dhe në Ankara u mbajtën protesta kundër dënimeve me vdekje për mbi 500 anëtarë të lëvizjes islamike Vëllazëria Myslimane, që muajin e kaluar janë shqiptuar në Egjipt, publikoi sot gazeta turke "Hyriet".
Një numër i madh protestuesve, turq dhe qytetarë egjiptianë, mbrëmë u tubuan në sheshin Aja Sofia në Stamboll. Protestuesit kanë brohoritur parrulla kundër Qeverisë së Egjiptit dhe janë lutur për presidentin islamik Muhamed Morsi, i cili vitin e kaluar është rrëzuar nga pushteti.
Shtetasi egjiptian, Adil Rashid, anëtar i Vëllazërisë myslimane para protestuesve mbajti fjalim në gjuhën arabe. Fjalimi është përkthyer edhe në gjuhën turke.
Një numër i madh i protestuesve u grumbulluan edhe në Parkun e demokracisë në Ankara, ku filloi shëtitja protestuese kundër dënimeve me vdekje për anëtarët e Vëllazërisë myslimane. Kolona e protestuesve arritën deri në përfaqësinë e KB-së në kryeqendrën turke.
|