Zagreb, 14 gusht 2014 (MIA) - Mot i keq i ndjekur me shi të rrëmbyeshëm dhe breshër, e goditi sot rajonin Zagorje të Karllovit, ndërsa të reshurat e rrëmbyeshme e goditën edhe Zagrebin, ndërsa gjatë goditjes së rrufesë u dogj një shtëpi familjare në Koprivnicë.
Në rajonin e Karllovit ka rënë breshër i fuqishëm me madhësi prej 2,5 centimetrave, era ka rrëzuar trunguj. Kanë rënë mbi 30 litra shi në metër katror, ndërsa deri në fund të ditës priten edhe mbi 50 litra, lajmëruan mediat kroate.
Për shkak të reshurave të rëmbyeshme në Zagorje janë përmbytur një numër i madh i shtëpive përdhesë dhe bodrume.
Në Zagreb të reshurat e rrëmbyeshme shkaktuan pengesa në komunikacion dhe numër të madh të aksidenteve. Janë mbyllur nënkalime në qytet, kumtoi policia.
"Meteoalarmi" shpalli paralajmërim portokalli për pjesën më të madhe të Kroacisë.