Demonstrues kurd ndërmorrën anije në Stamboll me kërkesë për përkrahje të Kobanes

Stamboll, 14 tetor 2014 (MIA) - Një grup anëtarë të Partisë Demokratike turke prokurde të popujve ndërmorën një anije, që ka lundruar rreth Stambollit, me kërkesë për përkrahje të qytetit sirian Kobane, të cilin me javë xhihadistët e "Shtetit Islamik" mundohen ta pushtojnë.

Qytetarë të zemëruar, të cilët kohë të gjatë e kanë pritur anijen, janë përleshur me demonstruesit kurdë, para se të intervenojë policia.

Aktivistët kurdë janë ngjitur në anije, që ka lundruar në linjën e rregullt mes qarqeve Kadikoj dhe Beshiktash në Stamboll, dhe kanë valëvitur pllakat me mbishkrim "Njerëzit në Kobane kundërshtohen edhe për neve".

Demonstruesit janë arrestuar nga policia.

Turqia ditëve të fundit shpesh herë është skenë e përleshjeve gjatë protestave kundër sulmeve të "Shtetit Islamik" në Kobane. Ato pohojnë se Ankaraja asgjë nuk ndërmerr që ta shpëtojë qytetin e rrethuar nga xhihadistët, që është në afërsi të kufirit me Turqinë.