Roamingu në Ballkan do të lirohet prej qershorit të vitit 2015

Podgoricë, 15 dhjetor 2014 (MIA) - Çmimet e shërbimeve roaming në vendet e Ballkanit Perëndimor do të ulen nga fundi i qershorit të vitit të ardhshëm, kumtoi gazeta podgoricase "Dnevne novine".

Sipas gazetës, në takim të trupave rregullator të shtetve nga rajoni në beograd, është arritur marrëveshje që tarifat e reja për telefoninë mobile të fillojnë të vlejnë nga mesi i verës, e jo prej fillimit të vitit 2015, qiç ishte paralajmëruar paraprakisht.

prej verës së ardhshme bisedat dhe dërgimi i porosive në roaming do të lirohen për 50 për qind, ndërsa çmimi i shërbimeve të internetit do të ejtë për nëntë herë më i ulët nga i tanishme.

Ulja e çmimeve për shërbimet roaming bëhet në bazë të marrëveshjes që nga fundi i shtatorit në Budvë e nënshkruan Maqedonia, Bosnja e Hercegovina, Serbia dhe Mali i Zi, uke e përdorur shembullin e BE-së.

Me marrëveshjen, parashihet që çmimet maksimale të bisedave, dërgimi i porosive dhe transmetimi i të dhënave përmes telefonisë mobile në roaming, të jenë në nivel të çmimeve në vendet-anëtare të BE-së.

Qytetarët e BE-së prej 1 korrikut të këtij viti paguajnë 50 për qind çmime më të ulëta në roaming, si hap i parë drejt heqjes së plotë të kësaj tarife, që është paraparë të ndodhë deri në fund të vitit 2015.