Prishtinë, 16 dhjetor 2014 (MIA) - Ministri i Punëve të Jashtme i Qeverisë së re kosovare Hashim Thaçi, deklaroi se dialogu me Beogradin do të vazhdohet, ndërsa marrëveshjet nga Brukseli do të zbatohen.
"Prej vitit të kaluar kur Asambleja e Përgjithshme e OKB-së ka rekomanduar dialogun për çështje teknike mes shtetit të Kosovës dhe Serbisë, pastaj Parlamenti i Kosovës ka marrë vendim dhe Qeveria e Kosovës ka filluar dialogun në Bruksel me Serbinë, mund të them se është hapur një proces i ri, ai i çështjeve të dialogut teknik", tha Thaçi në një intervistë për "Radio Evropën e Lirë".
Pra, dialogu do të vazhdojë, dialogu i çështjeve teknike.
Fillimisht me rëndësi është që Serbia të pranojë realitetin e ri të krijuar në Kosovë, ndërsa njohja të ndodhë gradualisht nga Serbia për shtetin e Kosovës dhe nga Kosova për shtetin e Serbisë, që të vazhdojnë rrugën e tyre euro-atlantike si dy vende sovrane.
Thaçi, përndryshe paralajmëroi se nesër do ta vizitojë Brukselin edhe disa qendra evropiane, duke shkruar në Fejsbuk se fillimisht do të takohet me sekretarin e përgjithshëm të Këshillit të Evropës, Torbjorn Jagland.