SYRIZA dhe Demokracia e Re filluan me përplasje

Athinë, 27 janar 2015 (MIA) - Shefi i kabinetit të kryeministrit grek Aleksis Cipras e kritikoi Andonis Samarasin që nuk erdhi në selinë e Qeverisë për dorëzimin tradicional të funksionit të kryeministrit.

"Për fat të keq, Samarasi zgjodhi që të mos jetë në Maksimos kur mbërriti kryeministri Cipras. Këtë traditë e respektonin kryeministrat paraprak të cilët e dorëzonin funksionin dhe prisnim që të respektohet edhe sot", thuhet në deklaratën e shkruar të Nikos Papasit.

Siç njofton korrespondenti i MIA-s nga Athina, menjëherë pastaj erdhi edhe reagim i ashpër nga partia opozitare Demokracia e Re.

"Kushtet e dorëzimit ishin të dakorduara në hollësi, siç mirë e di papasi, gjatë bisedës telefonike midis shefave të dy kabineteve", deklaroi zëdhënësja e Demokracisë së Re Marija Spiraki.

Ajo e kritikoi Ciprasin sepse po e ndërpren traditën me dhënien betim politik të funksionit, në vend të betimit të zakonshëm para kryepeshkopit.

"Nëse donim të flisnim për atë se kush dukshëm e injoron traditën shekullore, do t'i përkujtojmë njerëzit se zotëri Cipras është kryeministri i vetëm grek i cili dha betim të funksionit në mungesë të kryepeshkopit dhe nuk ka betim religijoz", theksoi Spiraki.

Përndryshe Vipras para se të japë betim u takua me kryepeshkopin e Athinës dhe gjithë Greqisë Jeronimos nga i cili "ka kërkuar t'i dëshirojë dëshira të mira deh e ka bindur se marrëdhëniet midis shtetit dhe kishës do të avancohen dhe në mënyrë më esenciale sesa deri më tani", njofton SYRIZA.