Incko: Sulmi në Zvornik është paralajmërim i fundit

Sarajevë, 28 prill 2015 (MIA) - Përfaqësuesi i lartë i bashkësisë ndërkombëtare në Bosnja e Hercegovinë Valentin Incko, e dënoi sulmin e djeshëm ndaj stacionit policor në Zvornik, duke theksuar se sulmi, pas atij në Bugojno dhe ndaj ambasadës amerikane në Sarajevë është "paralajmërim i fundit".

Incko në deklaratë për Televizionin federal theksoi se nuk pret destabilizim të situatës në BeH, por bashkëpunim ende më të mirë të forcave policore në nivel federal.

Sipas Inckos sulmi në Zvornik ka ushtimë të keqe në mbarë botën,  por se qytetarët duhet të jenë të vetëm, lajmëroi FENA.

Një polic mbrëmë është vrarë, ndërsa dy janë lënduar prej se një burrë ka hyrë në stacionin policor në Zvornik dhe ka gjuajtur me armë. Sipas mediave lokale sulmi është kryer nga një anëtar i  lëvizjes vahabiste, i cili i armatosur me automatik ka gjuajtur ndaj policëve.