SHBA: Një tren me materie toksike ka dalur nga binaret dhe është djegur

Uashington, 2 korrik 2015 (MIA) - Një tren që ka transportuar materie kimike toksike ka dalur nga binarët dhe është djegur në Tenesi, në pjesën jugore të SHBA-së, kumtuan ekipet zjarrëfikëse.

Treni ka dalur nga binaret në rajonin Merivil, në afërsi të qytetit Knoksvil. Ai ka bartur akrilonitril, prodhim kimik djegës dhe toksik, që paraqet rrezik për rrugët e frymëmarjes, deklaroi zjarrëfikësi Kermit Esterling.

Tani për tani nuk ka informata për viktima, ndërsa policia filloi me evakuimin e popullatës lokale në shkollat të cilat janë shndërruar në qendra pranimi.

Zjarërfikësit tani për tani nuk arrijnë ta lokalizojnë zjarrin për shkak të akrilonitrilit të rrezikshëm, ndërsa ekipet e specializuara për materie të rrezikshme janë dërguar në vendin e fatkeqësisë.

Treni që ka bartur edhe kontenjerë me gaz ka dalur nga binaret pak para mesnate sipas kohës lokale, konfirmuan ekipet e zjarrëfikësve.