FBI: Shteti islamik është kanosje më e madhe se Al Kaeda për SHBA-në

Angazhimet e grupit radikal Shteti Islamik për të nxitur amerikanë me probleme të kthehen drejt dhunës u shndërrua në kanosje të madhe terroriste për SHBA-në dhe sulmet e jashtme të Al Kaedës, deklaroi drejtori i FBI-së, Xhejms Komi.

Shteti Islamik ka ndikuar te një numër i konsiderueshëm i amerikanëve, përmes fushatës që me vite e bën në rrjetet sociale, duke iu bërë thirrje myslimanëve të cilët nuk mund të udhëtojnë deri në Lindjen e Afërt të vrasin, aty ku janë, theksoi Komi në konferencën për siguri në shtetin federal amerikan Kolorado.

Anëtarë të "Tuiterit" të lidhur me grupin SHI, kanë mbi 21.000 ithtarë të cilët flasin gjuhë angleze në mbarë botën, mijëra prej të cilëve mund të jenë shtetas amerikanë.

Drejtori i FBI-së kumtoi se në tetë javët e kaluara agjencia ka arrestuar numër të konsiderueshëm të qytetarëve të radikalizuar, pa e publikuar numrin e saktë. Ai theksoi se disa prej të arrestuarve kanë planifikuar sulme, lidhur me festën nacionale Dita e pavarësisë.