Lavrov konfirmoi praninë e ushtarëve rusë në Siri Moskë, 10 shtator 2015 (MIA) - Ministri i Jashtëm i Rusisë, Sergej Lavrov, ka thënë se aeroplanët rusë, që fluturojnë për në Siri, dërgojnë atje furnizime ushtarake dhe ndihmë humanitare.
Sipas radios "Evropa e Lirë", ai ka konfirmuar se Rusia ka personel ushtarak në Siri, por nuk ka thënë se është duke ngritur prani ushtarake atje, ashtu siç dyshojnë Shtetet e Bashkuara dhe NATO-ja.
"Mallrat ushtarake dërgohen në përputhje me kontratat ekzistuese", ka thënë Lavrov në një konferencë për media në Moskë.
Rusia është aleatja kryesore e presidentit sirian, Bashar al-Assad, në luftën e tij kundër rebelëve dhe militantëve islamikë.
|