Qeveria japoneze dha dorëheqjeTokio, 7 tetor 2015 (MIA) - Qeveria e Japonisë ka dhënë dorëheqje sot para rikonstruksionit, të cilin kryeministri Shinxo Abe duhet ta kryejë më vonë sot.
Sipas informacioneve të deritanishme të mediave, Abe do të lërë në Kabinet më shumë se gjysmën e 19 ministrave të tanishëm, duke e përfshirë edhe sekretarin e përgjithshëm dhe ministrat e financave, mbrojtjes dhe punëve të jashtme.
Pritet të ndërrohen ministri i Ekonomisë, Tregtisë dhe Industrisë, si dhe ministri i Arsimit, Kulturës dhe Sportit.
Formohet pozitë e re ministrore për çështje sociale, lidhur me vjetrimin dhe zvogëlimin e popullatës.
Pritet që qeveria e re si prioritetet ta parashtrojë rritjen ekonomike, rritjen e natalitetit dhe reformimin e sistemit të stërngarkuar social.
|