Diplomati italian Filipo Grandi është Komisari i lartë i ri i KB-së për refugjatë - UNHCR

Nju-Jork, 12 nëntor 2015 (MIA) - Sekretari i përgjithshëm i Kombeve të Bashkuara, Ban Ki-mun, e emëroi diplomatin italian Filipo Grandi për Komisar të lartë të KB-së për refugjatë, i cili do të ketë për detyrë ta zgjidhë krizën më të madhe botërore me refugjatët në histori.

Grandi (58) do ta zëvendësojë portugezin Antonio Gutieresh, i cili ishte komisar i lartë për refugjatë nga vitit 2005, theksohet në kumtesën e KB-së.

Diplomati italian, i cili detyrën e merr më 1 janar, ka qenë shef i Agjencisë palestineze për Refugjatë të KB-së (UNRVA) nga viti 2005 deri në vitin 2010 dhe ka shërbyer në misionin e KB-së në Afganistan.

UNHCR thekson se ky është numri më i madh i personave të zhvendosur duke pasur parasysh faktin se gjatë Luftës së Dytë Botërore janë zhvendosur 50 milionë persona.