Në Paris zyrtarisht është hapur konferenca për klimën

Paris, 30 nëntor 2015 (MIA) - Në Paris sot zyrtarisht është hapur konferenca dyditore e KB-së për ndryshimet klimatike, në të cilën liderët botëror do të tentojnë të sigurojnë marrëveshje afatgjate për uljen e emisioneve të gazrave dëmtuese.

Konferencën e shpalli të hapur ministri peruan i Mbrojtjes së Mjedisit Jetësor, Manuel Pulgar Vidal, i cili ishte nikoqir i samitit të vitit të kaluar të KB-së për klimën në Limë.

Pulgar deklaroi se marrëveshja e liderëve botëror tregoi se shtetet e botës mund të bashkëpunojnë në luftën kundër ndryshimeve klimatike njejtë si edhe në luftën kundër terrorizmit.

Në samitin COP21 në organizim të KB-së është paralajmëruar pjesëmarrja e 147 presidentëve të shteteve dhe qeverive që është tubimi më i madh i nivelit më të të lartë i mbajtur në historinë e KB-së.