Një aeroplan azerbejxhanas u rrëzua në Afganistanin jugorKabul, 19 maj 2016 (MIA) - Një aeroplan transportues azerbejxhanas u rrëzua mbrëmë në provincën jugore afgane, Helmand, me ç'rast humbën jetën shtatë prej gjithsej nëntë pasagjerëve, kumtuan sot autoritetet e aviacionit të Azerbejxhanit.
Siç lajmëroi DPA, aeroplani është rrëzuar mbrëmë në orën 18:30 minuta sipas kohës lokale, derisa ka fluturuar nga aeroporti Duier në Helmand, ku është stacionuar kontingjenti i forcave ushtarake amerikane dhe afgane.
Mediat e Azerbejxhanit lajmëruan se në aeroplan ishin pesë azerbejxhanas, tre ukrainas dhe një uzbekistanas.
Nuk ka informata për gjendjen e të mbijetuarve, as për shkakun e fatkeqësisë.
|