Lideri i ri i talebanëve paralajmëroi ndërprerje të negociatave me KabulinIslamabad, 25 maj 2016 (MIA) - Lideri i ri i talebanëve afganë, Hajbatulla Ahunzada sot deklaroi se nuk do t'i vazhdojë negociatat paqësore me Qeverinë në Kabul.
Deklarata e këtillë e Ahunzadas, e dhënë në video incizim dërguar mediumeve nga ana e zëdhënësit zyrtar të talebanëve, vjen vetëm disa ditë pasi që paraardhësi i tij Ahtar Mansur u vra gjatë sulmit raketor të dronit amerikan në Pakistan.
"Jo, ne nuk do të marrim pjeswë në kurfarë negociatash paqësore", thotë Ahunzada në video incizim.
Mediumet perëndimore theksojnë se nuk arritën që përmes burimeve të pavarura të marrin vesh nëse me të vërtetë bëhet fjalë për zërin e Ahunzades, e as kur është xhiruar videoja.
|