Departamenti amerikan: Situata në Alepo e shtyn opozitën në krahët e terroristëveUashington, 27 shtator 2016 (MIA) - Departamenti amerikan i shtetit kumtoi se situata në qytetin sirian Alepo e shtyn opozitën "e moderuar" në duart e grupit terrorist "Xhabhat al nusra", transmetoi TASS.
Zëdhënësi i Departamentit amerikan, Mark Toner, deklaroi se "realiteti në Alepo - me ripërtëritjen e sulmeve ajrore, veprimet luftarake, ofensivën e forcave qeveritare - e shtyn opozitën e moderuar në krahët e 'Xhabhat al Nusra'".
"Kjo vetëm e ushqen ekstremizmin", deklaroi Toner.
Sipas tij, opozita tenton të "mbrohet".
Toner deklaroi se SHBA-ja i vazhdon negociatat me grupet e opozitës së "moderuar" dhe përfaqësuesve të tyre ua sqarojnë detajet e Marrëveshjeve të Gjenevës.
Ai vërejti se SHBA-ja "edhe më tej zhvillon negociata me Rusinë për kthimin e besimit në procesin e armëpushimit në Siri".
Sipas tij, përderisa Moska jep "propozime serioze", Uashingtoni "do t'i dëgjojë dhe shqyrtojë".
|