Putin e akuzoi administratën e Obamës për minimin e legjitimitetit të Trampit

Moskë, 17 janar 2017 (MIA) - Presidenti rus Vlladimir Putin e akuzoi administratën e Barak Obamës se mundohet ta minojë legjitimitetin e presidentit të sapozgjedhur amerikan, Donald Tramp.
"Çka ka tani në SHBA? Shihet luftë e brendshme politike që zgjat, pavarësisht asaj që zgjedhjet për president përfunduan me fitoren e Trampit", deklaroi Putin në konferencë për shtyp me presidentin e Moldavisë. Igor Dodon në Moskë.
"Në atë luftë janë parashtruar disa detyra dhe e para është të minohet legjitimiteti i presidentit të sapozgjedhur amerikan", theksoi ai.
Putin i hodhi poshtë informatat e mediave amerikane se shërbimet e fshehta ruse e kanë spiunuar Trampin dhe kanë gjetur dëshmi që ta shantazhojnë.
"Ata që përhapën pohime të tilla të rreme për Trampin janë më të këqinj se prostitutat", deklaroi Putin.