Të paktën 20 të vrarë gjatë shpërthimeve në tregun në PakistaIslamabad, 21 janar 2016 (MIA) - Të paktën 20 persona kanë humbur jetën, ndërsa mbi 50 janë lënduar gjatë shpërthimit të një bombe në një rajon fisnor në pjesën veriperëndimore të Pakistanit, në kufi me Afganistanin, kumtuan autoritetet lokale.
Përfaqësuesit zyrtarë pakistanezë theksojnë se 11 nga personat e lënduar ndodhen në gjendje kritike.
Shpërthimi ka ndodhur në tregun e qytetit Paraçinar, në Kurum, një nga shtatë rajonet gjysmëautonome fisnore në Pakistan. Supozohet se bomba ka qenë artizanale dhe është vendosur në shportën me zarzavate. Forcat e sigurisë menjëherë e kanë bllokuar vendin e shpërthimit.
Tash për tash askush nuk e ka marrë përgjegjësinë për sulmin.
|