Militantët islamik ia hoqën kokën një pengu gjerman në FilipineBerlin, 27 shkurt 2017 (MIA) - Qeveria gjermane sot kumtoi se nuk ka konfirmim zyrtar për besueshmërinë e videos në të cilën shihet trupi pa kokë i shtetasit gjerman Jirgen Kantner, i cili disa muaj ishe peng i grupit islamik Abu Sajaf në Filipine. Siç lajmëroi korrespondenti i MIA-s nga Berlini, në video, që është publikuar dje, pohohet se Kantner është "vrarë me thikë", sepse Qeveria gjermane nuk e ka paguar shpërblesën e kërkuar. "Nëse besueshmëria e videos konfirmohet, kuptohet, se kjo është një nga gjërat më të mterrshme që mund të paramendohen", deklaroi sot ministri gjerman i Punëve të jashtme, Zigmar Gabriel, i cili tha se pret konfirmim zyrtar nga ekspertët për autenticitetin e videos. Paraprakisht, disa herë, përfaqësues të Abu Sajaf kërkonin rreth 500 mijë euro për lirimin e Kantnerit 70-vjeçar. Në videon paraprake u paraqit edhe kantner, i cili personalisht kërkoi të paguhet shpërblesa për lirimin e tij. Gjermani mbahej peng prej nëntorit të vitit të kaluar, pasi që jahti me të cilin lundronte, ishte sulmuar në jug të Filipineve. Gjatë sulmit jetën e humbi shoqëruesja e tij Sabine Merc. Që të dy në vitin 2008 ishin mbajtur peng në Somali, prej nga ishin liruar me shpërblesë.
|