Bilanci i viktimave në vërshimet në Peru arrin në 75 persona

Lima, 20 mars 2017 (MIA) - Të paktën 75 persona e kanë humbur jetën, ndërsa 363 janë lënduar në vërshimet e mëdha, të cilat e kanë goditur Perunë në 20 vitet e fundit.
Në vërshimet, të cilat kanë ndodhur si pasojë e reshjeve intensive dhe derdhjes së lumenjve, më shumë se 70 mijë persona kanë mbetur pa kulm mbi kok[, kumtuan mediat e Perusë.
Reshje të rrëmbyeshme, të përcjella me stuhi e kanë përfshirë bregdetin verior të Perusë, me derdhje të mëdha të lumenjve dhe krijim të rrëshqitjes së dheut, ndërsa numri i madh i fshatrave kanë mbetur të izoluar, sepse rrugët janë të vërshuara, ndërsa urat të rrëzuara për shkak të derdhjes së lumenjve.
Reshjet e mëdha janë pasojë e fenomenit El Ninjo, i cili shkaktoi ngrohje jonormale të ujërave të Paqësorit, deklaroi një nga shkencëtarët e Bordit peruan për studim të këtij fenomeni dhe paralajmëroi se ai do të mund të zgjasë edhe muajin e ardhshëm.
Reshjet janë dhjetë herë më të mëdha se zakonisht, ndërsa disa pjesë të vendit kanë mbetur pa energji elektrike dhe ujë.