Të paktën 13 persona janë vrarë, ndërsa 33 janë lënduar në një sulm në BagdadBagdad, 21 mars 2017 (MIA) - Të paktën 13 persona janë vrarë, ndërsa 33 janë lënduar dje në sulm me auto-bombë në rajonin shiit të kryeqytetit irakian Bagdad, deklaruan forcat e sigurisë, njoftoi DPA. Automobili, i parkuar në një rrugë frekuente tregtare në lagjen jugore Al Amel, ka shpërthyer mbrëmë. Deri tani askush nuk e ka marrë përgjegjësinë për sulmin. Sulmi është kryer në 14 vjetorin nga fillimi i operacionit ushtarak në Irak për rrëzimin e regjimit të Sadam Hyseinit, të udhëhequr nga SHBA-ja. Presidenti amerikan sot në Shtëpinë e Bardhë do ta presë kryeministrin irakian Hajder al Abadi.
|