Mnangagva u kthye në Zimbabve, arrestime në mjedisin e presidentit MugabeHarare, 17 nëntor 2017 (MIA) - Ish-zëvendëskryeministri i Zimbabves Emerson Mnangagva është kthyer në shtet, njoftuan mediat perëndimore duke iu referuar burimeve të afërta me të. "Po, ai u kthye dje", deklaroi një burim i afërt me Mnangagva dhe i lidhur me armatën e cila po e mban Mugaben në paraburgim shtëpiak. Mnangagva iku nga Zimbabve pas largimin nga funksioni më 6 nëntor, por premtoi se do ta kontestojë pushtetin e Mugabes dhe bashkëshorten e tij Grejs. Armata e cila e kontrollon Hararen njoftoi sot se ka arrestuar disa të afërt me presidentin Mugabe në operacionin për "pastrim" të radhëve të partisë qeveritare Lidhja afrikane kombëtare e Zimbabves, Froni partiotik ZANU-PF. "Arrestuam disa kriminelë derisa disa ende janë në liri. Për momentin negociojmë me Mugaben për etapën e ardhshme dhe do t'ju informojmë në kohë për rezultatin nga bisedimet. U bëjmë thirrje kombit që ta ruajë qetësinë derisa zgjat operacioni ynë", njoftuan nga armata. Mugabe dje në bisedë me komandantin e SHM të armatës Konstantino Çivenga tha se nuk dëshiron të tërhiqet nga funksioni. Udhëheqësit e ZANU-PF sot do të kenë takim në të cilin do të përgatisin Rezolutë për largimin e Mugabes nga pozicioni i liderit këtë fundjavë dhe për impiçment javën e ardhshme nëse ai vullnetarisht tërhiqet, deklaroi një burim i lartë nga partia. "Nuk ka kthim. Nëse kundërshton, do të organizojmë largim të tij të dielën, ndërsa të martën do të ketë impiçment", shtoi ai.
|