Tramp tash për tash e anulon zhvendosjen e Ambasadës së SHBA-së në Izrael

Uashington, 5 dhjetor 2017 (MIA) - Presidenti amerikan Donald Tramp tash për tash e ka anuluar marrjen e vendimit për zhvendosjen eventuale të Ambasadës së SHBA-së në Izrael nga Tel-Avivi në Jerusalem, kumtoi Shtëpia e Bardhë.
Përfaqësuesi i Shtëpisë së Bardhë, Hogan Gidli, theksoi se marrja e vendimit është anuluar dhe nuk do të komunikohet të hënën, siç është paralajmëruar më herët.
"Presidenti ishte i qartë në lidhje me këtë temë nga vetë fillimi: pyetja nuk është nëse por kur", theksoi Gidli.
Ai theksoi se vendimi do të merret në një kohë të afërt.
Në vitin 1995 Kongresi i SHBA-së miratoi ligj për zhvendosje të Ambasadës së SHBA-së në Izrael nga Tel-Avivi në Jerusalem. Që atëherë presidentët amerikanë në çdo gjashtë muaj nënshkruajnë urdhër për anulim të kryerjes së këtij vendimi.