Erupton vullkani Sinabung në Indonezi

Xhakartë, 19 shkurt 2018 (MIA) - Vullkani Sinabung në ishullin indonezian Sumatra hodhi hi dhe avull të nxehtë mbi 5.000 metra në atmosferë.
Vullkani është një ndër tre vullkanet në vend të cilët për momentin janë në proces të eruptimit. Për katër shekuj ai ishte "vullkan i fjetur" para se të eruptojë në vitin 2010, me ç'rast jetën e humbën dy persona. Latër vite më vonë në një eruptim të ri jetën e humbën 16 persona, përderisa para dy viteve jetën e humbën shtatë perosna.
Për shkak të eruptimit të tanishëm të vullkanit, është dhënë "kodi i kuq" i alarmit për aerokompanitë. Kjo do të thotë se rreziqet janë të larta.
Në vitet e fundit, për shkak të eruptimeve të shpeshtuara të vullkanit, rreth 30.000 njerëz në rajon i kanë braktisur shtëpitë e tyre.