Gjithsej 53 persona të lënduar gjatë uljes së detyruar të një aeroplani në Arabinë Saudite

Rijad, 22 maj 2018 (MIA) - Gjithsej 53 persona janë lënduar sot, nga të cilët një person ka marrë lëndime serioze, gjatë uljes së detyruar të një aeroplani të kompanisë "Saudi Erlajns" në qytetin saudit të Xheda.
Aeroplani i tipit "Erbas A330" ka fluturuar nga Medina drejt kryeqytetit të Bangladeshit, Daka, me 140 udhëtarë dhe 10 anëtarë të ekuipazhit, por pilotët shpejt kanë dalluar problem në sistemin hidraulik, raportoi Byroja e hetimeve të aviacionit civil e Arabisë Saudite.
"Udhëtarët u evakuuan. Pesëdhjetë e dy prej tyre kanë marrë lëndime më të lehta, ndërsa një udhëtare ka disa fraktura dhe aktualisht merr kujdes mjekësor", njoftoi Byroja.
Për këtë rast është nisur hetim. Sipas mediave saudite, aeroplani gjatë kohë ka qarkulluar gjatë mbi aeroportin në Xheda para se ta bëjë uljen e detyruar.