Fëmija i parafundit u shpëtua nga shpella në Tajlandë Bangkok, 10 korrik 2018 MIA) - Gjithsej 11 fëmijë janë nxjerrë deri tani nga shpella në Tajlandë ku u bllokuan prej 23 qershorit, në të cilën kanë hyrë pas trajnimit. Në shpellë tani për tani mbetet një fëmijë trajneri edhe katër persona të tjerë. Operacioni i shpëtimit zgjat tri ditë dhe çdo ditë deri tani janë nxjerrë nga katër djem. Shefi i operacionit të shpëtimit Narongsak Osotanakorn kumtoi se në shpellë së bashku me djemtë dhe trajnerin e tyre janë edhe një mjek dhe tre pjesëtarë të zhytësve marinarë "Foka" për të cilët gjithashtu shfaqi shpresë se me siguri sot do të dalin në sipërfaqe. Në ditën e tretë të operacionit në shpellën Tam Luang kanë hyrë 19 shpëtues. Një zhytësi me përvojë për akses deri tek vendi ku gjenden fëmijët dhe të kthehet pas i duhen 11 orë. Rruga është e gjatë disa kilometra dhe kalon përmes ujit të turbulluar të ndenjur, kanaleve të ngushta, shkallëve dhe pengesave të tjera. Në disa vende dukshmëria në ujë është pothuajse zero.
|