Forcohen uraganet "Florens" dhe "Helen" në Atlantik, ndërsa pritet edhe "Ajzak"-u

Majami, 10 shtator 2018 (MIA) - Uragani "Florens" nga kategoria e parë, i cili mund të shkaktojë goditje të drejtpërdrejtë në zonën e Karolinës Veriore dhe Jugore deri te rajoni i Atlantikut Qendror, vazhdon të përforcohet, uragani "Helen" merr fuqi mbi pjesën lindore të Oqeanit Atlantik, derisa uragani "Ajzak" po u afrohet Karaibeve.
Uragani "Florens kalon në uragan nga kategoria në stuhi tropikale, ndërsa deri në mbrëmje shpejtësia e erës pritet të arrijë deri në 140 kilometra në orë.
Qendra Kombëtare Amerikane për uragane vlerësoi se uragani do të bëhet jashtëzakonisht i rrezikshëm dhe se të enjten do të afrohet deri te brigjet e SHBA-së.
Përforcimi i uraganit "Helen" i cili për momentin ndodhet në rreth 320 kilometra në jugperëndim të ishujve Kepi Verde, pritet ditëve të ardhshme, me shpejtësi maksimale të erës prej 140 kilometra no orë.
Qendra Kombëtare Amerikane për uragane kumtoi se po afrohet edhe uragani "Ajzak", i cili do të jetë uragani i pestë në sezonin e uraganeve në Atlantik në vitin 2018.