Uashington, 18 shkurt 2019 (MIA) – Një senator i shquar republikan të dielën premtoi hetim për pohimet e ish-shefit të FBI-së se zëvendësministri i Drejtësisë, Rod Rozenshtajn, ka biseduar për largimin e presidentit Donald Tramp nga funksioni në vitin 2017.
“Ekziston konfirmim nga shefi i atëhershëm i përkohshëm i FBI-së se zëvendësministri i Drejtësisë, në të vërtetë, ka tentuar të zbatojë sulm administrativ, ta rrëzojë presidentin me procedurën, e cila është dhënë në amendamentin e 25 të kushtetutës”, deklaroi senatori Lindzi Graham.
“Zëvendësministri i Drejtësisë e mohon këtë. Andaj, juve dhe shikuesve ua premtoj këtë: do të mbajmë seancë dëgjimore për atë se kush e thotë të vërtetën dhe se çfarë ka ndodhur në fakt”, tha Graham, ithtar i Trampit. aa/shk/