Meksiko Siti, 25 qershor 2019 (MIA) – Autoritetet meksikane sistemuan pothuajse 15.000 pjesëtarë të gardës nacionale dhe ushtarë në kufirin me SHBA-në pas marrëveshjes me Uashingtonin për ndalim të emigracionit ilegal. Këtë e deklaroi ministri meksikan i Mbrojtjes, Luis Kresensio Sandoval.
Në konferencë për shtyp ai deklaroi se edhe 6.500 njerëz janë sistemuar në kufirin jugor me Guatemalën me qëllim të bllokimit të mijërave emigrantëve nga Amerika Qendrore të cilët dëshirojnë të arrijnë në SHBA.
Në fund të majit presidenti amerikan Donald Tramp kërcënoi me dogana për të gjitha produktet meksikane për import në SHBA nëse Meksika nuk e ndalon atë valë emigrantësh. Më 7 qershor, dy shtetet arritën marrëveshje – përveç sistemimit të forcave të sigurisë në kufij, Meksika duhet të sigurojë edhe kthim të emigrantëve në shtetet e tyre përderisa presin të shqyrtohen kërkesat e tyre për azil në SHBA. ab/