Vatikan, 3 qershor 2020 (MIA) – Papa Françesku sot për herë të parë u prononcua sa i përket trazirave në SHBA, duke porositur se askush nuk guxon të “mbyllë sytë para racizmit”.
Ai, gjithashtu, e dënoi dhunën si “vetëshkatërruese dhe vetëmposhtëse”.
Kreu i Kishës Katolike me shqetësim të madh i ndjek trazirat shqetësuese sociale në SHBA gjatë ditëve të kaluara, pas vdekjes së afroamerikanit Xhorxh Fllojd.
Papa u lut për pajtim nacional dhe paqe në SHBA. Ai vlerësoi se vdekja e Xhorxh Fllojdit është tragjike, duke shtuar se lutet për të dhe për të gjithë që janë vrarë si rezultat i “mëkatit të racizmit”. fc/