Uashington, 29 korrik 2020 (MIA) – Drejtuesit e kompanive më të mëdha të teknologjisë Fejsbuk, Ejpëll, Amazon dhe Gugëll, sot do të marrin pjesë në seancën dëgjimore para kongresmenëve amerikanë, të cilët do të përpiqen të konfirmojnë fuqinë e tyre të tregut.
Katër menaxherët kryesorë të këtyre gjigantëve do t’u përgjigjen pyetjeve të kongresmenëve përmes video-lidhjes për biznesin e tyre, monopolin dhe konkurrencën jolojale.
Kështu, themeluesi i Fejsbukut, Mark Cukerberg, do të duhet të justifikojë veten për faktin se me marrjen e Instagramit dhe Uatsapit, Fejsbuku i tij është bërë tepër dominant në fushën e rrjeteve sociale.
Drejtori i përgjithshëm i Ejpëll, Tim Kuk do të duhet të shpjegojë se pse Ejpëll duhet të marrë 15 deri 30 për qind të çdo shitje të re të aplikacionit të telefonisë celulare, drejtori i përgjithshëm i Gugëll, Sundar Piçai për të shpjeguar monopolin e kërkimit në internet të kompanisë së tij, ndërsa pronari i Amazonit, Xhef Bezos për të shpjeguar fushën e shitjes në internet. bs/bsh/